Da gaske EFCC na farautar 'ya'yan Atiku?

Hukumar EFCC ta musanta zargin da PDP ta yi cewa ta kai samame a gidan 'ya'yan dan takararta na shugaban kasa Alhaji Atiku Abubakar.

A wasu jerin sakwanni da ta wallafa a Twitter, EFCC ta ce ta kai kai farmaki ne a gidan 'ya'yan tsohon gwamnan jihar Abia Theodore Orji a Maitama wanda take gudanar da bincike a kansa.
Kuma 'ya'yan tsohon gwamnan na Abia suna makwabtaka ne da Aliyu da Mustapha Atiku Abubakar tsohon mataimakin shugaban kasa kuma dan takarar jam'iyyar PDP a zaben 2019.
Sai dai kuma Jam'iyyar PDP ta yi zargi cewa, EFCC ta kai samamen ne a gidan 'ya'yan na Atiku bisa umurnin fadar shugaban kasa.

Tsallake Twitter wallafa daga @OfficialPDPNig

Karshen Twitter wallafa daga @OfficialPDPNig

Fadar shugaban kasa ta musanta zargin, inda mai magana da yawun shugaban kasa Malam Garba Shehu ya soki PDP da yada labaran karya.

Tsallake Twitter wallafa daga @GarShehu

Karshen Twitter wallafa daga @GarShehu

"A Najeriya yanzu babu wanda ya fi yada labaran karya kamar jam'iyyar PDP," in ji Garba shehu a sakon da ya wallafa a Twitter.

• Amurka da EU na son a rungumi kaddara 'kan Buhari da Atiku'
• Jami’an tsaron Najeriya 'sun binciki Atiku'

EFCC ta ce binciken da take yi kan tsohon gwamnan Abia Theodore Orji, kan halatta kudaden haramun ne ya shafi 'ya'yansa.

Tsallake Twitter wallafa daga @officialEFCC

Karshen Twitter wallafa daga @officialEFCC

Hukumar ta ce ta kai ga kama 'ya'yan tsohon gwamnan ne ta hanyar bin sawun wasu manyan motocin da aka ce nasu ne.
Kuma a lokacin da take tatasar bayanai ne suka bayyana mata gidan da suke zama a Abuja da ta kai samame a ranar Asabar.
EFCC ta ce bincikenta da ta gudanar bai shafi gidan 'ya'yan Atiku ba.

Tsallake Twitter wallafa daga @officialEFCC

Karshen Twitter wallafa daga @officialEFCC

Sai dai a cikin bayanan da ta wallafa a Twitter, hukumar ba ta ce ko ta leka sashen gidan 'ya'yan Atiku ba da suke gida guda da 'ya'yan tsohon gwamnan na Abia da ta kama.


CULLED FROM @BBCHAUSA