Atiku ya shiga Amurka

Tsohon mataimakin shugaban kasa kuma dan takarar shugaban kasa na jam'iyyar PDP, Atiku Abubakar, ya isa kasar Amurka a yammacin ranar Alhamis.

Kamar yadda ya bayyana a shafinsa na Twitter, ya je kasar ne domin tattaunawa da jami'an kasar da kuma 'yan Najeriya mazauna kasar.

• Zan sayar da NNPC ko za a kashe ni —Atiku
• Da gaske EFCC na farautar 'ya'yan Atiku?
• Atiku ya sanya hannu a yarjejeniyar zaman lafiya

"Yanzunan na sauka a birnin Washington D.C domin ganawa da jami'an gwamnati da kuma 'yan Najeriya mazauna kasar da kuma yan kasuwa."

Hoton Hakkin Mallaka @atiku@ATIKU

Tsohon mataimakin shugaban kasar ya samu rakiyar shugaban majalisar dattawan Najeriya Bukola Saraki, wanda shi ne Darakta Janar na kamfe dinsa.

Wasu na zargin tsohon mataimakin shugaban kasar ne da kasa zuwa Amurka saboda zargin da aka ce kasar na yi masa na cin hanci da rashawa.

Zargin da ya sha musantawa a lokuta da dama inda ya bayyana cewa babu wanda ya taba kama shi da laifin aikata rashawa.

CULLED FROM BBCHAUSA

Hakkin mallakar hoto